کۆنسوڵی تورکیا لە هەولێر: هاوکاری خانەی منداڵانی بێ سەرپەرشت دەکەین

ئاڤا نیوز

کۆنسوڵی گشتیی تورکیا لە هەولێر  بەبۆنەی جەژنی قوربان، سەردانی خانەی منداڵانی بێسەرپەرشتی کردووە، پاڵپشتی وڵاتەکەی بۆ هاوکاریکردنی هەرێمی کوردستان دووپاتدەکاتەوە.

وێنە گەورەکە: لە دووەم ڕۆژی جەژنی قوربان، کۆنسوڵی نوێی گشتیی تورکیا لە هەولێر، وەک یەکەم  چالاکی سەردانی خانەی منداڵانی بێسەرپەرشتی کرد و لە هەولێر بە گرنگییەوە باسی دڵخۆشی منداڵانی ئەو خانەیە دەکات.

لێدوانی فەرمی: ئەرمان تۆپچوو، کونسوڵی گشتیی تورکیا لە هەولێر بە کوردستان حەسەن پەیامنێری دیپلۆماسی ئاڤا نیوزی گوت:"گرنگی بە منداڵەکانی ئێرە دەدرێت و بە ڕووخساریان دیارە کە هیچ کەم و کوڕییەکیان نییە، لەگەڵ ئیدارەی ئێرە قسەمان کردووە و دەمانەوێ بە شێوەیەکی باشتر خزمەتی ئەو منداڵانە بکەین".

ئەوەی پێویستە بیزانیت: لە خانەی منداڵانی بێسەرپەرشت لە هەولێر، لەژێر سیستەمێکی ڕێکخراودا سەرپەرشتی 80 منداڵ دەکرێت.