هەزاران گەشتیار سەردانی ناوچە گەشتیارییەکانی  سۆرانیان کردووە

ئاڤا نیوز

لە ماوەی دوو ڕۆژی جەژنی قوربان دا، زیاتر لە 25 هەزار گەشتیار سەردانی ناوچە گەشتیارییەکانی ئیدارەی سۆرانیان کردووە.

وێنە گەورەکە: ئیدارەی سەربەخۆی سۆران دەوڵەمەندە بە ژمارەیەکی زۆر ناوچەی گەشتیاری، 35% ـی ناوچە گەشتیارییەكانی هەرێمی كوردستان پێكدەهێنن.

لێدوانی فەرمی: فەیسەڵ سادق، بەڕێوەبەری گشتیی گەشت و گوزای سۆران بە ئاڤا نیوزی گوت: "زیاتر لە پێنج هەزار گەشتیار بۆ شەو لە دەڤەرەکە ماونەتەوە و نەگەڕاونەتەوە، پێشبینی دەکرێت لە ڕۆژانی سێیەم و  چوارەمی جەژن ڕێژەکە بۆ سێ هەندە بەرز ببێتەوە".

ئەوەی پێویستە بیزانیت: ساڵانە زیاتر لە یەک ملیۆن گەشتیار سەردانی 540 ناوچەی گەشتیاریی سنووری ئیدارەی سەربەخۆی سۆران دەکەن.