یەک تۆن گۆشت درایە خێزانە کەمدەرامەتەکانی خورماڵ

ئاڤا نیوز

 

دەزگای خێرخوازی بارزانی، یەک تۆن گۆشتی بەسەر خێزانە کەمدەرامەتەکانی سنووری قەزای خورماڵ دابەش کرد.

 

وێنە گەورەکە: دەزگای خێرخوازی بارزانی لە بۆنەکاندا هەڵمەتی دابەشکردنی گۆشتی قوربانی دەستپێدەکات، هەڵمەتەکە بەردەوامە و بەبۆنەی بە قەزابوونی خورماڵ هەڵمەتەکە لەو قەزایەش بەڕێوەچوو.

 

لێدوانی فەرمی: کارزان سەلام، بەرپرسی ئۆفیسی هەڵەبجەی دەزگای خێرخوازی بارزانی گوتی: "هەزار کیلۆ گۆشتمان بەسەر خێزانە کەمدەرامەت و بێهاوژینەکان دابەشکرد، هەڵمەتەکە بەبۆنەی جەژنی قوربان و بەقەزابوونی خورماڵ بوو".

 

لەلایەکی دیکەوە: نووسینگەی دهۆکی دەزگای خێرخوازیی بارزانی بە هاوکاری چەند خێرخوازێک گۆشتی قوربانییان بەسەر هەزار و 600 خێزانی هەژار و کەمداهاتی سەنتەری شاری دهۆک دابەش کرد.