ئەرمینیا دانی بە فەڵەستیندا نا و ئیسرائیل باڵیۆزەكەی سەرزەنشت دەكات

ئاڤا نیوز 

 

دوای ئەوەی وەزارەتی دەرەوەی ئەرمینیا دانپێدانانی وڵاتەکەی بۆ بە دەوڵەت بوونی فەڵەستین ڕاگەیاند، ئیسرائیل وەک سزایەک بۆ ئەو وڵاتە ڕاستەوخۆ باڵیۆزی ئەرمینیا لە وڵاتەكەی سەرزەنشت دەكات.

وێنە گەورەكە: دانپێدانان بە فەڵەستین لەلایەن بەشێك لە وڵاتانەوە نیگەرانی ئیسرائیلی لێكەوتووەتەوە، تائێستاش هەریەک لە وڵاتانی ئیسپانیا، ئێرلەندا و نەرویج بە فەرمی دەوڵەتی فەلەستینیان ناساندووە.

ڕاگەیێنراوی فەرمی: وەزارەتی دەرەوەی ئەرمینیا ڕایگەیاند: کۆماری ئەرمینیا بە ڕێزگرتن لە یاسا نێودەوڵەتییەکان و بنەماکانی یەکسانی و سەروەری و پێکەوە ژیانی ئاشتییانە لە نێوان گەلاندا دان بە دەوڵەتی فەلەستین دەنێت. 

كاریگەری و لێكەوتەكان: حوسێن شێخ، سکرتێری دەستەی کارگێڕی ڕێکخراوی ڕزگاریخوازی فەلەستین  ڕایگەیاند: پێشوازی لە بڕیارەکەی ئەرمەنینیا دەكەین.
بزووتنەوەی حەماس کە لە شەڕێکی سەختدایە لەگەڵ ئیسرائیل بڕیارەکە" بە هەنگاوێکی گرنگ و پێویست ناودەبات بۆ بەدەستهێنانی مافی گەلی فەڵەستین".

بۆچوونی لایەنی بەرامبەر: وەزارەتی دەرەوەی ئیسرائیل باڵیۆزی ئەرمینیای لە ئیسرائیل بانگهێشت کرد بۆ ئەوەی "بە تووندی سەرزەنشتی" بکات.