ئەو گەشتیارانەی سەردانی سلێمانییان كردووە نزیكەی پێنج هەزار تۆن خاشاكیان جێهێشتووە

ئاڤا نیوز

شارەوانی سلێمانی ئاماری کۆکردنەوەی زبڵ و خاشاک لە ماوەی ڕۆژانی جەژن لە ناوچە گەشتیارییەکانی سنوورەکە ڕادەگەیێنێت، بەپێی ئامارەكە   چوار هەزار و 800 تۆن زبڵ و خاشاک کۆکراوەتەوە.

وێنە گەورەکە: لە چوار ڕۆژی جەژنی قوربان 125 هەزار گەشتیار سەردانی هەزار و 600 شوێنی گەشتیارییان کردووە و نزیکەی پێنج هەزار تۆن زبڵ و خاشاکیان لە دوای خۆیان جێهێشتووە.

لێدوانی فەرمی: زەردەشت ڕەفیق، گوتەبێژی شارەوانیی سلێمانی بە ئاڤا نیوزی گوت:"لە ناوچە گەشتیارییەکانی سنووری پارێزگای سلێمانی ڕۆژانە هەزار و 200 تۆن زبڵ و پاشماوە، لە لایەن ژینگەپارێزانەوە کۆکراوەتەوە".

ئەوەی پێویستە بیزانیت: بەگوێرەی ئەو ئامارانەی تاوەکو ئێستا لەسەرجەم پارێزگاکان کۆکراونەتەوە، 387 هەزار و 597 گەشتیار سەردانی پارێزگاکانی هەرێمی کوردستانیان کردووە، زۆرترینیان بۆ پارێزگای سلێمانی بووە.