ئۆتۆمبێلێکی حاجییانی کورد لە ڕومادی وەرگەڕاوە

ئاڤا نیوز

 

لە ڕومادی ئۆتۆمبێلێكی حاجییانی کوردستان وەرگەڕاوە كە ژمارەیەک حاجیی شاری سلێمانی تێدا بووە  و  چوار حاجی گیانیان لەدەست داوە.

 

چیرۆکی سەرەکی: پێشنیوەڕۆی ئەمڕۆ  22-06-2024 لە ڕێگەی گەڕانەوە بۆ سلێمانی پێنج حاجیی هەرێمی کوردستان کە بە "ڤیزای ساڵی" فەڕیزەی حەجیان بەجێگەیاندووە، بە ئۆتۆمبێلی تایبەتی خۆیان لەسەر ڕێگەی ڕومادی بۆ سلێمانی ئۆتۆمبێلەکەیان وەرگەڕاوە و گەیێنراونەتە نەخۆشخانەی ئەو شارە.

 

لێدوانی فەرمی: ئەنەس عانی، بەڕێوەبەری ڕاگەیاندنی تەندروستیی ئەنبار ڕایگەیاند: بەهۆی وەرگەڕانی ئۆتۆمبێلەکە چوار حاجی گیانیان لەدەست داوە، کە دوو ئافرەت و دوو پیاون.

 

لەلایەکی دیکەوە: نیاز شێخ ڕاغب، بەرێوەبەری گشتیی حەج و عومرەی کوردستان بە ئاڤا نیوزی گوت، "تاوەکو ئێستا هیچ حاجییەکی هەرێمی کوردستان کە بەگوێرەی ڕێنماییەکان و لە چوارچێوەی ڤیزای حەج سەفەری سعودیەیان کردووە، نەگەڕاونەتەوە هەرێمی کوردستان، ئەمڕۆ بەڕێدەکەون."

 

هۆکارە زانراوەکان: ڕووداوەکە لەسەر ڕێگەی خێرای ڕومادی دروست بەرامبەر بە بەنزینخانەی ئەبوعبێد عیاد بووە، هۆکارەکەی بەکارهێنانی مۆبایل بووە لەلایەن شۆفێرەکەی.