گیانلەدەستدانی حاجییانی هەرێمی كوردستان شەش ئەوەندەی ساڵی ڕابردوو بووە

ئاڤا نیوز

 

ئەمساڵ شەش ئەوەندەی ساڵی ڕابردوو، حاجیانی هەرێمی کوردستان لە ڕێگەی سعودیە و شارەکانی ئەو وڵاتە گیانیان لەدەستداوە.

وێنە گەورەکە: ئەمساڵ زیاتر لە یەک ملیۆن و 800 هەزار حاجی لە وڵاتانی جیهانەوە بۆ بەجێگەیاندنی فەریزەی حەج سەردانی سعودیەیان کردووە.

 

لێدوانی فەرمی: نەبەز ئیسماعیل، گوتەبێژی وەزارەتی ئەوقاف بە ئاڤا نیوزی گوت: "تاوەکو ئێستا 25 حاجی لە سعودیە گیانیان لەدەستداوە  24 ـیان بە ڤیزەی ساڵ سەفەری حەجیان کردووە، تەنیا یەک حاجی کە لە ژێر ڕێنماییەکانی وەزارەتی ئەوقاف گەشتی کردووە گیانی لەدەستداوە."

زانیاریی زیاتر: تاوەکو ئێستا 10 ون بوو تۆمارکراون،  ھەروەھا 10  حاجی دەست بەسەرکراون، نوێنەرانی حکومەتی هەرێمی کوردستان لە سعودیە لە هەوڵی ئازادکردنیاندان. گوتەبێژی وەزارەتی ئەوقاف وای گوت.

ئەوەی پێویستە بیزانیت: پێشنیوەڕۆی ئەمڕۆ  22-06-2024 لە ڕێگەی گەڕانەوە بۆ سلێمانی پێنج حاجیی هەرێمی کوردستان لەسەر ڕێگەی ڕومادی بۆ سلێمانی ئۆتۆمبێلەکەیان وەرگەڕا.