ئەمریكا لەبارەی كوشتنی سەركردەی گرووپێكی چەكداری عێراقی ڕوونكردنەوە دەدات

ئاڤا نیوز

هاوپەیمانی نێودەوڵەتی دژی داعش، ڕەتیدەکاتەوە هێزەکانیان گرووپێکی چەکداری عێراقییان لەسەر سنووری سووریا کردبێتە ئامانج.

وێنە گەورەكە: ڕوانگەی سووری بۆ مافەکانی مرۆڤ بڵاویکردەوە، شەوی ڕابردوو هێرشێکی ئاسمانی کە سەرچاوەکەی نادیارە لە ڕۆژهەڵاتی سووریا نزیک سنووری عێراق کراوە و دەنگی تەقینەوەی گەورە بیستراوە و سێ کەس تێیدا کوژراون کە دوو ئێرانی و عێراقییەکن.

ئەوەی پێویستە بیزانیت: شەوی ڕابردوو گرووپێكی چەکداری عێراقی بەناوی "کەتائیب سەیدولشوهەدا" ڕایگەیاند، لەسەر سنووری سووریا و عێراق، لەلایەن ئەمریکاوە هێرش کراوەتە سەر ئۆتۆمبێلێکیان و ئەندامێکیان کوژراوە. 

ڕاگەیێنراوی فەرمی: هاوپەیمانی نێودەوڵەتی دژی داعش ڕایگەیاند: ئەو ڕاپۆرتانەی باس لە هێرشی ئاسمانی هێزەکانی هاوپەیمانان لەسەر سنووری سووریا و عێراق دەکەن، ڕاست نین، هیچ ئۆپەراسیۆنێکی لەو جۆرە نەکراوە.