واشنتۆن ڕەتیدەکاتەوە حووسییەکان "ئایزنهاوەر"یان کردبێتە ئامانج

ئاڤا نیوز

بەرپرسێکی ئەمریکی ڕەتیدەكاتەوە، حووسییەکان هێرشیان كردبێتە سەر کەشتییەکی فڕۆکە هەڵگری ئەمریكی.

ئەوەی پێویستە بیزانیت: حووسیەكان پێشتر ڕایانگەیاندبوو: كەشتی ئایزنهاوەریان بە چەند مووشەكێك پێكاوە.

بۆچوونی لایەنی بەرامبەر: ئەمریكا ئەم هەواڵەی ڕەتكردەوە و ڕایگەیاند ئەمڕۆ كەشتییەكەی ناردووەتە دەریای ناوەڕاست، بۆ پشتیوانی ئیسرائیل لە شەڕی حزبوڵا لە لوبنان.

بۆچی گرنگە: ئەم كەشتییە دەتوانێت دەیان فڕۆكەی گەورە هەڵبگرێت و وەك ناوەندێكی سەربازی مامەڵەی لەسەر بكرێت.

وێنە گەورەكە: ناردنی كەشتییەكە بۆ دەریای ناوەڕاست لەكاتێكدایە، ئەمریكا هەوڵدەدات ڕێگری بكات لە تەشەنەسەندنی گرژییەكانی نێوان ئیسرائیل و حیزبوڵا لە سنووری لوبنان.