حیزبوڵڵا: ئیسرائیل پەشیمان دەبێتەوە

ئاڤا نیوز

 

حیزبوڵڵای لوبنانی، هەڕەشە لە ئیسرائیل دەکات و وێنەیەکی بنکە سەربازییەکان و سەرچاوەکانی وزەی ئیسرائیلی داناوە، نووسیویەتی "ئیسرائیل پەشیمان دەبێتەوە ئەگەر هێرش بکاتە سەر لوبنان".

 

ئەو مانایەی دەیگەیێنێت: حیزبوڵڵا شوێنە ستراتیژییەکانی ئیسرائیلی دیاری کردووە و لەگەڵ هەر هێرشێک ڕاستەوخۆ هێرشی پێچەوانەی دەبێت.

 

وێنە گەورەکە: ڕۆژهەڵاتی ناوەڕاست لە ژێر مەترسی شەڕێکی دیکەی نێوان ئیسرائیل و حیزبوڵڵادایە، نەتەوەیەکگرتووەکان و وڵاتانی ناوچەکە هەوڵ دەدەن ڕێگری بکەن لەوەی "غەززەیەکی دیکە دروست ببێت".

 

بڵاوکراوەی فەرمی: حیزبوڵڵا لە تەلەگرامی فەرمیی خۆی کۆمەڵێک وێنەی بنکەی سەربازی، کۆگای چەک و تەقەمەنی،  بڵاوکردووەتەوە و دەڵێت: ئیسرائیل پەشیمان دەبێتەوە ئەگەر هێرش بکاتە سەر لوبنان.