سەربەخۆخوازانی 'نیو کالێدۆنیا' لە فەرەنسا دادگەیی دەکرێن

ئاڤا نیوز 

 

حەوت چالاکوانی سەربەخۆخواز بە تۆمەتی تێوەگلان لە خۆپێشاندانەکانی مانگی ڕابردووی 'نیو کالێدۆنیا' بۆ فەرەنسا دەگوازرێنەوە و لەوێ دادگەیی دەکرێن. 

 

لێدوانی فەرمی: ییڤێس دوپاس، داواکاری گشتیی نۆومیا، ڕاگەیاند "گواستنەوەکە لە کاتی شەودا کرا و بە ڕێگەی فڕۆکەیەکەوە بوو کە تایبەت بۆ ئەو ئەرکە ئامادە کرابوو، ئەمەش بەهۆی  هەستیاریی پڕۆسەکە و بۆ دوورکەوتنەوە لە هەر گوشارێک، تاوەکو لێکۆڵەرەوەکان لە دۆخێکی ئارامدا کارەکانیان بکەن. 

 

زانیاریی زیاتر: لە ناو دەستگیرکراوەکاندا 'کریستیان تێین'، سەرۆکی گرووپی (CCAT) هەیە کە گرووپێکی سەربەخۆخوازە.

 

ئەوەی پێویستە بیزانیت: نیو کالێدۆنیا هەرێمێکە لە زەریای هێمن کە لە چەندین دوورگە پێکهاتووە و هێشتا لە ژێر داگیرکاریی فەرەنسادایە، لە ماوەی ڕابردوودا چەندین جووڵانەوەی سەربەخۆخوازی تیایدا ئەنجام دران کە فەرەنسا سەرکووتیکردن.