ساڵح موسلیم: نیازی جیابوونەوەمان لە سووریا نییە

ئاڤا نیوز 

 هاوسەرۆکی پەیەدە باس لە ڕژدبوونی ئیدارەی خۆسەری بۆ ئەنجامدانی هەڵبژارنی شارەوانییەکانی ڕۆژئاوای کوردستان دەکات و دەڵێت: دەست بەو هەڵبژاردنەوە دەگرین.

وێنە گەورەکە: ساڵح موسلم، هاوسەرۆکی پارتی یەکێتیی دیموکراتیی سووریا (PYD) پابەندبوونی ئیدارەی خۆسەری نوێ دەکاتەوە بۆ بەردەوامبوون لە سازکردنی هەڵبژاردنی شارەوانییەکان، کە بڕیارە مانگی ئابی داهاتوو دوای دووجار دواخستن بکرێت.

ئەوەی پێویستە بیزانیت: ئەنجامدانی ئەم هەڵبژاردنە سەرەڕای پەرەسەندنی هەڕەشەکانی تورکیایە، کە هەڕەشەی دەستپێکردنی ئۆپەراسیۆنێکی سەربازی نوێ دەکات و ئەمریکاش پێیوایە لەم هەنگاوە پەلە دەکەن.

لێدوانی فەرمی: ساڵح موسلیم لە چاوپێکەوتنێکدا لەگەڵ کەناڵی شەرقییە دەڵێت: " واشنتن ڕەخنەی گرت  و بە ئێمەی گوت مەرجەکان لە ناوچەکانی ئێوەدا بەردەست نین، هەر هەڵبژاردنێک دەبێت بەپێی بڕیارنامەی نێودەوڵەتی 2254 بێت، دەزانین ئەمریکا دیدگای بۆ  تورکیا هەیە و نایەوێت نێوانیان تێکبچێت چونکە ئەندامن لە ناتۆ".

زانیاریی زیاتر: موسلیم  دووپاتی کردەوە نیازی جیابوونەوەیان لە سووریا نییە، هەڵبژاردنەکە لە چوارچێوەی ڕێکخستنی کاروباری ناوخۆیی لە ناوچەکانی دەرەوەی دەسەڵاتی هێزە ئاساییەکانی سووریا دەکرێت.