بە پڕۆژەیەک خاشاکی سێمێل چارەسەر دەکرێت

ئاڤا نیوز

 

لە چوارچێوەی پڕۆژە خزمەتگوزارییەکانی حکومەتی هەرێمی کوردستان بۆ پارێزگای دهۆک، دوو پڕۆژە بە گوژمەی سەرووی 12 ملیار دینار جێبەجێ دەکرێن.

 

بۆچی گرنگە: بە ئەنجامدانی یەکێک لەو پڕۆژانە، کێشەی زبڵ و خاشاکی سنووری قەزای سێمێل چارەسەر دەبێت.

 

ڕاگەیێنراوی فەرمی: "یەکێک لە پڕۆژەکان پاککردن، کۆکردنەوە و گواستنەوەی خاشاکی قەزای سێمێل و کەمپی ئاوارەکانی سنوورەکەیە، کە بە گوژمەی 11 ملیار و 847 ملیۆن دینار جێبەجێ دەکرێت". عەلی تەتەر، پارێزگاری دهۆک وای بە ئاڤا نیوز گوت.

 

زانیاریی زیاتر: بە گوژمەی 392 ملیۆن و 902 هەزار دیناریش، ڕێگە نێوخۆییەکانی گەڕەکی تەناهی لە دهۆک قیڕتاو دەکرێن.