نهێنیی نوێ لە شوێنەواری مەترابی دەشتی هەولێر دۆزرایەوە

ئاڤا نیوز

 

نهێنی نوێ لە شوێنەواری مەترابی دەشتی هەولێر دەدۆزرێتەوە کە مێژووەکەیان بۆ چوار هەزار ساڵ لەمەوبەر دەگەڕێتەوە.

لێدوانی فەرمی: ڕۆكۆ پالێرمۆ، پڕۆفیسۆر لە زانكۆی براین ماوری ئەمریكی، لە كۆنگرەیەكی ڕۆژنامەوانیدا ڕایگەیاند: لە ئەنجامی هەڵكۆڵین، تیمی زانكۆی براین ماوری ئەمریكی لە ناوچەی شوێنەواری مەتراب، چەندین گۆزەی گەورە و بچووكی دۆزییەوە كە مێژووەكەیان بۆ  چوار هەزار و 500 ساڵ پێش زایین دەگەڕێتەوە.

زانیاریی زیاتر: مرۆڤی ئەو شوێنەوارانە، مسیان بۆ قاپ و قاچاخیی خواردنەوە شلەمەنییەكان بەكار هێناوە، سەردەمی چاخی کۆن بە گرنگترین سەردەم دادەنرێت لە  هەرێمی كوردستان کە گوندەكان  هەنگاویان ناوە بۆ بەشاریبوون. 

خاڵی ئەرێنی: بەڕێوەبەرایەتیی شوێنەوار و كەلەپووری زانكۆی براین ماوری ئەمریكی، ساڵی 2022 گرێبەستێكیان واژۆ كردووە بۆ ئەوەی تیمەكەیان بۆ ماوەی پێنج ساڵ لە شوێنەواری مەتراب کاری هەڵکۆڵین بكەن  بۆ ئەوەی بۆیان دەربكەوێت  لەو سەردەمە كۆمەڵگە كۆنەكان چۆن ژیاون.

باكگراوند: شوێنەواری مەتراب دەكەوێتە گوندی باقرتە لە سنووری ناحیەی شەمامک و 25 كیلۆمەتر لە باشووری هەولێر دوورە.