حەشارگەیەکی داعش لە چیای حەمرین کرایە ئامانج

ئاڤا نیوز  

شانەی ڕاگەیاندنی ئەمنیی عێراق، بە ئامانج گرتنی حەشارگەیەکی چەکدارانی داعشی بە فڕۆكەی جەنگی لە زنجیرە چیای حەمرین ڕاگەیاند.

وێنە گەورەکە: 542 کیلۆمەتر ناوچەی گرنگی ئەمنی هاوبەش لەنێوان سوپای عێراق و هێزەکانی پێشمەرگە هەن، دەستبەکارنەبوونی لیوا هاوبەشەکان کە ماوەی چەندین ساڵە بڕیاری لەبارەوە دراوە، وایکردووە پاشماوەکانی داعش لەو بۆشاییە ئەمنییانە بەردەوام جموجۆڵیان هەبێت.

ڕاگەیێنراوی فەرمی: "لە چوارچێوەی کەرتی فەرماندەیی ئۆپەراسیۆنەکانی دیالە، حەشارگەیەکی چەکدارانی داعش لە چیای حەمرین کرایە ئامانج کە سێ تیرۆریستی داعشی تێدابووە و کوژراون".

زانیاریی زیاتر: هێرشەکە لە لایەن هێزی ئاسمانیی عێراقی و بە فڕۆکەی F-16 پاڵپشت بە زانیاریی هەواڵگرییەکان کراوە و تێیدا ژمارەیەک ئەشکەوت و حەشارگە کرانە ئامانج، کە چەک و تەقەمەنی و ماددەی لۆجیستی تێدابووە. شانەی ڕاگەیاندنی ئەمنیی وا دەڵێت.