مەکتەبی سیاسیی یەکێتی لەبارەی هەڵبژاردن کۆدەبێتەوە

ئاڤا نیوز

 

مەکتەبی سیاسیی یەكێتیی نیشتمانی کوردستان کۆدەبێتەوە و دوایین پێشهاتە نێوخۆیی و دەرەکییەکان تاوتوێ دەکات، گرنگترینیان گفتوگۆکردنە لەبارەی وادەیەکی نوێی هەڵبژاردن.

 

وێنە گەورەکە: کۆمیسیۆنی هەڵبژاردنەکانی عێراق چاوەڕێی سەرۆکایەتیی هەرێمی کوردستان دەکات بۆ دەرکردنی مەڕسومی وادەیەکی نوێی هەڵبژاردن، سەرۆکایەتیی هەرێمی کوردستانیش، دەیەوێت کۆدەنگی لایەنە سیاسییەکان لەسەر وادەکەیەک وەربگرێت.

 

لێدوانی فەرمی: سەعدی پیرە، گوتەبێژی یەكێتیی نیشتمانیی کوردستان بە ئاڤا نیوزی گوت، "سبەی مەكتەبی سیاسیی یەكێتیی نیشتمانی كوردستان لە سلێمانی كۆدەبێتەوە، چەند پرسێکی هەنووکەیی تاوتوێ دەکرێت".

 

زانیاریی بەدەستهاتوو: ئاڤا زانیویەتی گرنگترین پرسی کۆبووەنەوەکە خستنەڕووی سەرنجە لەسەر وادەیەکی نوێی هەڵبژاردنی خولی شەشەمی پەرلەمانی کوردستان.

 

بۆچی گرنگە: یەکێتیی تاکە لایەنی سیاسی هەرێمی کوردستانە لەبارەی دانانی وادەیەک بۆ هەڵبژاردن خۆی یەکلایی نەکردووەتەوە، چاوەڕوان دەکرێت لەم کۆبوونەوەیە خۆی یەکلابکاتەوە.