چەند پەیامێک لە مەسرور بارزانییەوە بۆ ئافرەتان: پێویستە کاراتر بن

ئاڤا نیوز

مەسرور بارزانی داوا  لە یەکێتیی ئافرەتان دەکات لە بواری سیاسی و ڕێکخراوەییدا ڕۆڵی خۆیان لە هاندانی ئافرەتاندا بگێڕن بۆ ئەوەی بەشدارییەکی کاراتریان لە کایەی سیاسی و بەڕێوەبردندا هەبێت.

وێنە گەورەکە: ئەمڕۆ سێشەممە مەسرور بارزانی،  جێگری سەرۆکی پارتی دیموکراتی کوردستان لەگەڵ سکرتێر و ئەندامانی مەکتەبی سکرتاریەتی یەکێتیی ئافرەتانی کوردستان کۆبووەوە.

ڕاگەیێنراوی فەرمی:  مەسرور بارزانی ئاماژەی بە ڕۆڵی گرنگی یەکێتی ئافرەتان کردووە کە لە قۆناغە جیاوازەکاندا بەشدارییەکی دیار و كاریگەرییان لە بزووتنەوەی ڕزگاریخوازی گەلی کوردستاندا هەبووە.

زانیاری زیاتر: مەسرور بارزانی بەپێویستی زانیوە لە خەبات و تێکۆشانی ڕێکخراوەیی بەردەوام بن لەپێناو داکۆکیکردن لە مافەکانی ئافرەتانی کوردستان و پەرەپێدانی هزری نیشتمانی و کارکردن بۆ نەهێشتنی تووندوتیژی کۆمەڵایەتی.