کەنەدا داوا لە هاووڵاتیانی دەکات لوبنان جێبهێڵن

ئاڤا نیوز

 

حکومەتی کەنەدا داوا لە هاووڵاتیانی دەکات "ئەگەر دەتوانن" لوبنان جێبهێڵن، ئەمەش بەهۆی مەترسیی دروستبوونی شەڕی نێوان ئیسرائیل و حیزبوڵا.

 

وێنە گەورەکە: دۆخی ئەمنی لە لوبنان بەهۆی بەردەوامی پەرەسەندنی تووندوتیژییەکانی نێوان حیزبوڵا  و ئیسرائیل تادێت ناجێگیر دەبێت، ئەگەری هەیە لەناکاو دۆخەکە زیاتر تێک بچێت.

 

ڕاگەیێنراوی فەرمی: میلانیا جۆلی، وەزیری دەرەوەی کەنەدا داوای لە خەڵکی وڵاتەکەی دەکات، ئەوانەی  بەهۆی گەشتە بازرگانییەکان لەو لوبنان ماونەتەوە، بە زووترین کات جێی بهێڵن چونکە ئەگەر شەڕ دەست پێ بکات جێهێشتنی سەخت دەبێت.

 

ئەوەی پێویستە بیزانیت: جیهان لە چاوەڕوانیی مەترسیی زیاتری شەڕی نێوان حیزبوڵا و ئیسرائیل دایە کە بەهۆیەوە دۆخی ڕۆژهەڵاتی ناوەڕاست خراپتر ببێت و غەززەیەکی دیکە لە لوبنان دروست ببێت.