بەشێکی دیکەی پارەی گەنمی جووتیاران دەنێردرێت

ئاڤا نیوز


پڕۆسەی وەرگرتنی گەنم لە جووتیارانی هەرێمی کوردستان بەردەوامە، بەشی سێیەمی پارەکە کراوەتە چەک و هەفتەی ئایندە دەست بە دابەشکردنی دەکرێت.

وێنە گەورەکە: ئەمساڵ حکومەتی عێراق 700هەزار تۆن گەنم لە جووتیارانی هەرێمی كوردستان وەردەگرێت، تاوەکو ئێستا نزیکەی 250هەزار تۆن وەرگیراوە و لە 10 سایلۆ و دوو کۆگا کۆ کراوەتەوە.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی بە ئاڤا نیوزی گوت، "26ملیاری دیکە کراوەتە چەک، چەند ڕێکارێکی کارگێڕی ماوە، دوای تەواوبوونیان دەست بە دابەشکردنی دەکرێت."

ئەوەی پێویستە بیزانیت: تاوەکو ئێستا حکومەتی فیدراڵی 52ملیار دیناری بۆ جووتیارانی هەرێمی کوردستان ناردووە، شەش ملیاری دابەش کراوە و هەفتەی ئایندەش دەست بە دابەشکردنی 46ملیارەی دیکە  دەکرێت.