کێشەی کارەبا چارەسەر دەکرێت

ئاڤا نیوز

 

وەزارەتی کارەبای هەرێمی کوردستان ڕایگەیاند، لە ماوەی دوو کاتژمێری داهاتوودا کێشەی کارەبا چارەسەر دەکرێت و دۆخی کارەبا ئاسایی دەبێتەوە. 

 

چیرۆکی سەرەکی: كاتژمێر 09:00ـی بەیانی ئەمڕۆ چوارشەممە لە كۆمپانیای دانەگاز بە هۆكارێكی نادیار كوژانەوەی گشتی بەهۆی دابەزینی پەستانی گاز ڕووی دا و بەهۆیەوە 2000 مێگاوات بەرهەمهێنانی کارەبا کەم بووەوە و زۆربەی فیدرەكان كوژانەوە.

 

ڕاگەیێنراوی فەرمی: دەست بە گواستنەوەی گاز لە کێڵگەی کۆڕمۆڕ بۆ وێستگەکانی کارەبا کرا و لە ماوەی دوو كاتژمێری داهاتوودا، قۆناغ بە قۆناغ دۆخی کارەبا ئاسایی دەبێتەوە.
لە ڕاگەیێنراوی فەرمی وەزارەتی کارەبا وا هاتووە.

 

زانیاریی زیاتر: هەردوو وەزارەتی کارەبا و سامانە سروشتییەکان بە هەماهەنگی لەگەڵ کۆمپانیای دانەگاز کێشەکەیان چارەسەر کرد و دەست بە گواستنەوەی گاز بۆ وێستگەکانی کارەبا کرا و بڕیارە تاوەکو دوو کاتژمێری دیکە دۆخی کارەبا ئاسایی ببێتەوە.