پارتی: بۆ هەڵبژاردن دەست بە ئامادەکاری دەکەین

ئاڤا نیوز

 

پارتی دیموکراتی کوردستان هەڵوێستی خۆی سەبارەت بە دیاریکردنی وادەیەکی نوێ بۆ هەڵبژاردن ڕاگەیاند و ئاماژە بەوە دەدات، بەشێکی تێبینی و کێشەکان چارەسەرکراون، بۆیە ئامادەن بۆ هەڵبژاردن و دەست بە ئامادەکارییەکان دەکەن.

وێنە گەورەکە: ئەمڕۆ چوارشەممە سەرۆکایەتیی هەرێمی کوردستان بە مەرسوومێکی فەرمی کە دەکاتە پێنجەم مەرسووم لەبارەی هەڵبژاردن،  ڕۆژی 20-10-2024ی بۆ بەڕێوەچووونی هەڵبژاردنی خولی شەشەمی پەرلەمانی کوردستان دیاریکرد.

ڕاگەیێنراوی فەرمی: مەحموود محەممەد، گوتەبێژی پارتی دەڵێت: "لەدوای ئەوەی هەڵویستمان وەرگرت بەشێک لە تێبینی و کەموکوڕییەکان چارەسەر کراون و بەشێکیشیان لە چارەسەرکردن دان، وەک کێشەی پەنجەمۆر و کورسی پێکهاتەکان و ڕێکارەکانى پرۆسەى هەڵبژاردن".

 

خاڵی ئەرێنی: گوتەبێژی پارتی جەخت دەکاتەوە "هەرچەندە هەموو چارەسەرەکان لەسەدا سەد نەبوون، بەڵام بەشێک لە مافەکان بۆ پێکهاتەکانى کوردستان گەڕایەوە و، بابەتەکانى دیکەش بەشێکی باشیان چارەسەرکراون، بۆیە دواى ڕاگەیاندنى وادەى هەڵبژاردن لەلایەن سەرۆکى هەرێمى کوردستان، پارتیمان دەست بە ئامادەکارییەکان دەکات بۆ پرۆسەى هەڵبژاردن".