وەزیری دەرەوەی ئیسرائیل: ئەردۆغان تاوانباری جەنگە

ئاڤا نیوز

 

دوای ئەوەی سەرۆککۆماری تورکیا پشتیوانیی خۆی بۆ لوبنان لە بەرامبەر هێرشەکانی ئیسرائیل پیشاندا، وەزیری دەرەوەی ئیسرائیل ئەردۆغان بە "تاوانباری جەنگ" ناو دەبات و تاوانباری دەکات بە کوشتنی کوردەکان.

 

چیرۆکی سەرەکی: چوارشەممە 26-6-2024، ڕەجەب تەیب ئەردۆغان لە کۆنگرەی پارتەکەی ڕایگەیاند: "بە هەموو شێوەیەک پشتیوانی لە خەڵک و دەوڵەتی لوبنان دەکەین و لە دۆخێکی وادا لەگەڵیان دەبین".

 

کاریگەری و لێکەوتەکان: یسرائیل کاتز، وەزیری دەرەوەی ئیسرائیل، لە هەژماری خۆی لە تۆڕی “X” ڕایگەیاند: "ئەردۆغان تاوانبارێکی جەنگە و لەسەر سنووری سووریا کوردە بێتاوانەکان دەکوژێت و هەوڵدەدات ئیسرائیل لە مافی بەرگریکردن لە خۆی لە دژی ڕێکخراوێکی تیرۆریستی بێبەش بکات کە لە لوبنانەوە بە فەرمانی ئێران هێرش دەکات".

 

ئەوەی پێویستە بیزانیت: پەرەسەندنی گرژییەکانی نێوان ئیسرائیل و حیزبوڵڵای لوبنان مەترسیی هەڵگیرسانی جەنگێکی گەورە و درێژخایەن و ئاڵۆزتربوونی دۆخی ڕۆژهەڵاتی ناوەڕاستی دروست کردووە، تاوەکو ئێستاش چەندین وڵات هۆشدارییان لەبارەوە داوە.