شارەوانی رانیە بۆ تەواوكردنی پرۆژەیەك موڵكێكی بازرگانيی دەفرۆشێت

ئاڤا دیجیتاڵ

بەگوێرەی ئاگادارییەكی سەرۆكایەتی شارەوانی رانیە، بڕیارە رۆژی چوارشەممە (2024/2/7) لە زیادكردنێكی ئاشكرادا یەكێك لە زەوییە بازرگانییەكانی سنوری شارەوانی رانیە بفرۆشرێت، سەرۆكی شارەوانیش دەڵێت " بۆ تەواوكردنی پڕۆژەی دووسایدی ناوبازاڕی ڕانیەیە".

بۆچی گرنگە: پرۆژەی دووسایدكردنی ناوبازاڕی رانیە لە ساڵی 2013 دەستیپێكرد، بڕیاربوو لە ماوەی ساڵێكدا تەواوبكرێت، بەڵام بەهۆی داواكردنی قەرەبوو لەلایەن خاوەن موڵكەكانی كە دەكەونە ناو پرۆژەكەوە دووسایدكردنی ناوبازاڕی رانیە وەستابوو.

لێدوانی فەرمی: بەرهەم رەسوڵ سەرۆكی شارەوانی رانیە بە ئاڤا میدیای گوت " فرۆشتنی زەوییە بازرگانییەكانی سنوری شارەوانیمان بۆ تەواوكردنی پرۆژەی دووسایدی ناوبازاڕی رانیەیە و بۆ قەرەبووكردنەوەی ئەو خاوەن موڵكانەیە كە دەكەونە سەر دووسایدی ناوبازاڕی رانیە".

"پێشووتر زەوییەكی دیكەی بازرگانیمان بۆ هەمان مەبەست فرۆشتووە و ئێستا كارەكانی تەواوكردنی پرۆژەكە دەستیپێكردووە".