هەڵوێستی موقتەدا سەدر لەبارەی دەستگیرکردنی بکوژی سەدری یەکەم

ئاڤا نیوز

 

لەبارەی هەواڵی دەستگیرکردنی بکوژی محه‌ممه‌د باقر سەدر و خوشکەکەی، موقته‌دا سەدر رایگه‌یاند، دانپێدانانی ئەو کەسە لەبەرچاو ناگرێن.

 

وێنە گەورەکە: هێزە ئەمنییەکانی عێراق بەرپرسێکی باڵای ڕژێمی سەدامیان بە ناوی سەعدون سەبری ناسراوە بە "عه‌مید نه‌زار" دەستگیرکرد كه‌ پێشتر بەڕێوەبەری فیرقەی پێنج بووه‌ و تۆمه‌تباره‌ به‌ كوشتنی محەممەد باقر سەدر و خوشكه‌كه‌ی.

 

لێدوانی فەرمی: وەزیری (قائید) كه‌سایه‌تیی نزیك لە موقتەدا سەدر، سەرۆکی ڕه‌وتی نیشتیمانیی شیعە ڕایگەیاند: ئەو کەسەی بەرپرسیارە لە خوێنی شەهید سەدری یەکەم و خوشکە عەلەوییەکەی، سەدامی تاوانبارە و گرنگ نییە چ جۆره‌ چەقۆیەکی بەکارهێناوە لە تاوانەکەیدا.

 

ئه‌وه‌ی پێویسته‌ بیزانیت: محەممەد باقر سەدر، كه‌سایه‌تییه‌كی ئایینی و فەیلەسوفێكی شیعەی عێراقییە، بە دیارترین دامەزرێنەری حیزبی دەعوەی ئیسلامی دادەنرێت، ئامۆزای باوکی موقتەدا سەدرە و لە بەهاری ساڵی 1980به‌ بڕیاری سەدام، خۆی و خوشکەکەی لە سێدارەدران به‌ تۆمه‌تی سیخوڕیكردن بو ئێران.