باڵیۆزی ئێران لە بەغدا: بەربژێرەکانی سەرۆککۆمار لەسەر ڕێبازی ڕەئیسی بەردەوام دەبن

ئاڤا نیوز

 

باڵیۆزی ئێران لە بەغدا ڕایگەیاند، سەرۆککۆماری نوێی وڵاتەکەی درێژە بە هەمان ئەو ڕێبازە دەدات کە ئیبراهیم ڕەئیسی لە پەیوەندییەکانی تاران لەگەڵ وڵاتان پەیڕەوی دەکرد.

 

وێنە گەورەکە: ئەمڕۆ هەینی 28-6-2024 هەڵبژاردنی سەرۆکایەتیی کۆماری ئێسلامیی ئێران دەستیپێکرد و چوار بەربژێر کێبڕکێ دەکەن.

 

لێدوانی فەرمی: محەممەد کازم ئال سادق، باڵیۆزی ئێران لە بەغدا ڕایگەیاند: لەڕێگەی ئەو بەدواداچوونانەی بۆ بەرنامەی بەربژێرەکانی سەرۆککۆماری ئێران کردووەمە، جەختیان لەوە کردەووەتەوە ڕێبازەکەیان هەمان ڕێگە و ڕێباز و سیاسەتی خوالێخۆشبوو ئیبراهیم ڕەئیسی دەبێت".

 

زانیاریی زیاتر: ئەو باڵیۆزە ئەوەشی گوت، پەیوەندییەکانمان لە سەردەمی ڕەئیسیدا لەگەڵ سعودیە، میسر و ئوردن گەڕایەوە و پەیوەندییەکان بەرەو باشتریش دەچن.