داعش هەڕەشەی ژەهراویکردنی ئاوی خواردنەوەی بەغدا دەكات

ئاڤا نیوز  

 

بە هۆی بوونی زانیاری لەسەر بەئامانجگرتنی پڕۆژەکانی ئاو بە "ژەهراویکردن یان بۆردوومانکردن" لەلایەن داعشەوە، بەغدا دەکەوێتەوە حاڵەتی ئامادەباشییەوە.

ئەوەی پێویستە بیزانیت: زانیاریی هەواڵگریی ورد لەلایەن دەزگا ئەمنییەکانەوە گەیشتووە، "ئاماژە بۆ بەئامانجگرتنی پڕۆژەکانی ئاو لە بەغدا بە ژەهراویکردن یان بۆردومانکردن دەکەن لەلایەن داعشەوە".

زانیاریی بەدەستهاتوو: سەرچاوەیەکی باڵای ئەمنیی ئەوەی بۆ میدیای عێراق ئاشکرا کردووە، خزمەتگوزارییە ئەمنییەکانی پەیوەندیدار بە پاراستنی پڕۆژەکانی ئاو لە بەغدا چوونەتە دۆخی ئامادەباشییەوە، دوای ئەوەی زانیارییان لەسەر هەڕەشەی بەئامانجگرتنی ئەو پڕۆژانە پێگەیشتووە.

 

ئەمەش بزانە: داوا کراوە ژمارەی پاسەوانەکانی پاراستنی دامەزراوەکان لەم ماوەیەدا بۆ سەر پرۆژەکانی سەر بە بەڕێوەبەرایەتی ئاوی بەغدا زیاتر بکرێت.

بۆچی گرنگە: بڵاوبوونەوەی ئەو هەواڵە دانیشتووانی بەغدای ترساندووە و ترسیان هەیە سەرچاوەکانی ئاو ژەهراوی بکرێن یاخوود بتەقێنرێنەوە و بە هۆیەوە قەیرانی کەمئاوی سەرهەڵبدات.

 

نووسراوی نهێنی بەشی "هەواڵگری و ئاسایش" لە فەرماندەیی ئۆپەراسیۆنەکانی بەغدا