سکاڵا لە دژی وەزارەتی کارەبای عێراق تۆمار دەکرێت

ئاڤا نیوز 

بە هۆی کەمتەرخەمی و گەندەڵی نوێنەرانی پارێزگایەکی عێراق، سکاڵا لەسەر وەزارەتی کارەبا تۆمار دەکات و داوای چارەسەری کەمیی کارەبا دەکەن.

وێنە گەورەکە: وەزارەتی کارەبا ناتوانێت کارەبای پێویسیت بۆ هاووڵاتیان دابین بکات، هاوکات کورتهێنانی لە بەرهەمهێنانی کارەبا هەیە و بەشێکی زۆری کارەبای لە وڵاتانی دراوسێ دابین دەکات، بەشێک لە پەرلەمانتارانیش هەوڵدەدەن سكاڵا لەسەر وەزارەتەکە تۆمار بکەن.

ڕاگەیێنراوی فەرمی: هادی سەلامی، پەرلەمانتاری عێراق ڕایگەیاند:"کەمتەرخەمی، پشتگوێخستن و دزین لە بەشی کارەبا پارێزگای نەجەف دەکرێت، سکاڵا لەسەر وەزارەتی کارەبا تۆمار دەکەین بۆ لێپرسینەوە لەگەڵ بەرپرسی پەیوەندیدار".

زانیاریی زیاتر: "بەشی پارێزگای نەجەف هەزار و 400 مێگاوات بەڵام تەنیا هەزار و 130 مێگاواتی بۆ دێت".

ئەوەی پێویستە بیزانیت: لە وەرزی هاوین زۆربەی شار و ناوچەکانی ناوەڕاست و باشووری عێراق پلەکانی گەرما نیوەی کوڵان تێدەپەڕێنێت، بەڵام لە زۆر شوێنیش کارەبای نیشتیمانی تەنیا 10 کاتژمێرە.