لەبارەی گیانلەدەستدانی فەرماندەیەکی پێشمەرگە ڕوونکردنەوە دەدرێت

ئاڤا نیوز

پۆلیسی هەولێر لەبارەی دۆزینەوەی تەرمی فەرماندەیەکی پێشمەرگە لەنێو ئۆتۆمبێلەکەیدا ڕوونکردنەوە دەدات، دەڵێت، ڕووداوەکە خۆکوژی بووە.

ڕاگەیێنراوی فەرمی:بەپێی ڕاگەیێنراوی بەڕێوەبەرایەتی پۆلیسی هەولێر، ڕووداوەکە له شەقامی لاوەكی 150 مەتری هەولێر لە نزیك یەکەکانی نیشتەجێبوونی سلاڤا ستی بووە، دوای گەیشتنی تیمەکانیان دەست بە لێکۆڵینەوەکان کراوە و تەرمەکەی بۆ پزیشکی داد نێردراوە.

زانیاریی زیاتر: لە لێکۆڵینەوەکانی پۆلیسدا دەرکەوتووە هاووڵاتیی (موحسین ڕەشید ) كه پیشەی ئەفسەره به پلەی لیوا لە وەزارەتی پێشمەرگە بە چەكی جۆری كلاشینکۆف كۆتایی به ژیانی خۆی هێناوه كه به تەنیا بووە له ناو ئۆتۆمبێلە تایبەتەكەی خۆیدا.

لە لایەکی دیکەوە: وەزارەتی پێشمەرگە هەواڵی گیان لەدەستدانی فەرماندەکەی بڵاوکردووەتەوە و ئاماژەی بەوەداوە، لیوا موحسین بە کارەساتێکی نەخوازرا و دڵتەزێن گیانی لە دەستداوە، چۆنیەتی ڕووداوەکە بۆ لێکۆڵینەوەی هێزە ئەمنیەکان بەجێدەهێڵین.

ئەوەی پێویستە بیزانیت: لیوا موحسین محەممەد، بەڕێوبەری پێشووی کاروباری پزیشکی وەزارەتی پێشمەرگە بوو.

وێنەی فەرماندەکەی پێشمەرگە