کابینەی بووژانەوەی ئابووریی کوردستان؛ دروستکردنی سایلۆ بەنموونە

ئاڤا نیوز

 

وەزیری بازرگانیی هەرێمی کوردستان ڕایدەگەیێنێت، لە ماوەی پێنج ساڵی کارکردنی کابینەی نۆیەمدا، سێ سایلۆ  تەواوکراون کە توانای وەرگرتنی 120 هەزار تۆن گەنمیان هەیە

 

وێنە گەورەکە: لەگەڵ دەستبەکاربوونی کابینەی نۆ، بە بەرنامەیەکی تۆکمە کار لەسەر بووژاندنەوەی ژێرخانی ئابووری، بەبازاڕکردنی گەنمی جووتیاران، پڕکردنەوە و هەناردەکردنی بەرهەمی ناوخۆیی کراوە.

 

لێدوانی فەرمی: کەمال موسلیم، وەزیری بازرگانی بە ئاڤا نیوزی گوت: لە کابینەی نۆ سێ سایلۆ لە کەلار، قوشتەپە و  ڕۆڤیا تەواوکراون، کە بە هەرسێکیانەوە دەتوانن ساڵانە 120 هەزار تۆن گەنم کۆگا بکەن.

 

ئەمەش بزانە: چەند مانگێکە سایلۆی هەڵەبجە کاری تێدا دەکرێت و ماوەی تەواوکردنی دوو ساڵە، ئەمڕۆش سەرۆکوەزیران بەردی بناغەی دادەنێت، هەروەها ڕەزامەندی لەسەر دروستکردنی سایلۆی زاخۆش دراوە.