شەش ملیار دینار بۆ کێشەی کەمئاوی هەولێر تەرخانکرا

ئاڤا نیوز

سەرۆکی دیوانی ئەنجومەنی وەزیران چووەتە پارێزگای هەولێر و پاڵپشتیییەکانی سەرۆکوەزیران بارزانی بۆ جێبەجێکردنی کۆمەڵێک پڕۆژەی خزمەتگوزاری ڕاگەیاندووە، بڕی شەش ملیار دینار تەرخانکراوە بۆ ڕووبەڕووبونەوەی کێشەی کەمئاوی.

وێنە گەورەکە: ساڵانە لە وەرزی هاوین چەند گەڕەکێکی شاری هەولێر ڕووبەڕووی کێشەی کەمئاوی دەبنەوە، چاوەڕوان دەکرێت تەرخانکردنی ئەو بڕە  پارەیە کاریگەرییەکانی ئەو کێشەیە کەم بکاتەوە.

لێدوانی فەرمی: ڕێزان سەعدی، بەڕێوەبەری ئاوی دەوروبەری هەولێر بۆ ئاڤا نیوز گوتی: بۆ هەریەکە لە مانگەکانی حەوت و هەشت و نۆ، بڕی شەش ملیار دینار تەرخانکراوە، واتا بۆ هەر مانگێک دوو ملیار دینار بۆ چارەسەرکردنی کێشەی کەمئاوی لە شاری هەولێر دیاری کراوە.

لە لایەکی دیکەوە: نەبەز عەبدولحەمید، قایمقامی قەزای ناوەندی هەولێر بە ئاڤا نیوزی گوت: لەسەردانەکەی د.ئومێد سەباح سەرۆکی دیوانی ئەنجومەنی وەزیران، پاڵپشتی حکومەتی هەرێمی کوردستانی گەیاندووە بۆ چارەسەرکردنی کێشەی کەمئاوی، کۆکردنەوەی زبڵ و خاشاک و بەردەوام بوون لەسەر لێخۆشبوونی قەرزەکانی سەر هاوڵاتییان.