کولتووری خوێندنەوە دەبرێتە ناو بەندیخانەکانی سلێمانی

ئاڤا نیوز

کولتووری خوێندنەوە دەبرێتە ناو بەندیخانەکانی سلێمانی، مەبەستی پڕۆژەکە گرنگیدانە بە خوێندنەوە و بە کولتوورکردنی خوێندنەوە لە ناو بەندیخانەکان.

وێنە گەورەکە: دامەزراوەی کەریمی عەلەکە، لە پڕۆژەیەکیدا تایبەت بە کولتوورکردنی خوێندنەوە لە ناو بەندیخانەکان سەردانی چاکسازیی ژنان و نەوجەوانانیان کرد و چەند کتێبێکیان بە دیاری پێبەخشین.

لێدوانی فەرمی: شاخەوان سدیق، سەرۆکی دامەزراوەی کەریمی عەلەکە بە ئاڤا نیوزی گوت: دوو جار سەردانی چاکسازیی ژنان و نەوجەوانانمان کردووە و چەند کتێبێکمان پێ بەخشیون، دامەزراوەکە لە چوارچێوەی پڕۆژەکەدا جگە لە بەخشینی کتێب، پێشبڕکێیەکیشیان ڕێکخستووە بۆ خوێنەران و هەر بەندکراوێک چەند کتێبێکی خوێندبێتەوە پاداشت دەکران.

بۆچی گرنگە: دوای دووجار سەردانی چاکسازییەکانی ژنان و نەوجەوانان، هەستیان کردووە کە ڕێژەی خوێنەر بە بەراورد لەگەڵ یەکەمجار زۆر زیادی کردووە. شاخەوان سدیق وای گوت.