شاندێکی هەرێمی کوردستان گەیشتە بەغدا

ئاڤا نیوز 

شاندێکی حکومەتی هەرێمی کوردستان، بۆ پرسی هاوتاکردنی دەروازە سنوورییەکان سەردانی بەغدای کرد.

وێنە گەورەکە: بابەتی خاڵە سنوورییەکانی هەرێمی کوردستان هێشتا ناوبەناو لەلایەن بەغداوە وەک پاساوێک بۆ دروستکردنی کێشە بۆ هەرێمی کوردستان بەکاردەهێنرێت، کابینەی نۆیەمی هەرێمی کوردستان دەیەوێت ئەو کێشانەی هەن چارەسەری بنەڕەتییان بۆ بدۆزرێتەوە.

زانیاریی بەدەستهاتوو: سەرچاوەیەک لە وەزارەتی دارایی و ئابووری حکومەتی هەرێمی کوردستان، بە ئاڤا نیوزی گوت: ئەمشەو 30-6-2024، هەریەک لە ئاواتی شێخ جەناب و ڕێبەر ئەحمەد سەردانی بەغدایان کرد.

ئەوەی پێویستە بیزانیت: ئامانج لە سەردانەکەی شاندەکەی کوردستان، بۆ گفتوگۆکردنە لەسەر بابەتی یەکخستنی ڕێکارە تەکنیکییەکانی خاڵە سنوورییەکانی هەرێمی کوردستان لەگەڵ عێراق.