دابەشکردنی فۆرمی وەرگرتنی زەوی دەستپێدەکات

ئاڤا  نیوز

 

ڕێکارەکانی دابەشکردنی زەوی بەسەر فەرمانبەران بەردەوامە و  لە وەزارەتی شارەوانی نووسراو بۆ ئەنجوومەنی وەزیران کراوە بۆ فراوانکردنی نەخشەی شارەوانییەکان.

 

لێدوانی فەرمی: ئاوات عەزیز، گوتەبێژی بەڕێوەبەرایەتیی گشتیی شارەوانییەکانی سلێمانی بە ئاڤا نیوزی گوت، "دوای وەرگرتنی ڕەزامەندی ئەنجوومەنی وەزیران نووسراو بۆ شارەوانییەکان دەکرێت بۆ ئەوەی پڕۆسەی دابەشکردنی زەوی دەستپێبکات".

 

شێوازی جێبەجێکردن: زەوییەکان ژمارەیان لێدەدرێت، زەویی سنووری پارێزگاکان بۆ هەر مەترێک پێنج هەزار، سنووری قەزا سێ هەزار و لە سنووری ناحییەکان دوو هەزار دینارە.

 

خاڵە ئەرێنییەکان: دوای 18 ساڵ پڕۆسەی دابەشکردنی زەوی دەستی پێکردووەتەوە، نزیکەی 200 هەزار کەس دەگرێتەوە، لەم هەفتەیە فۆڕم دابەش دەکرێت و ئەو فەرمانبەرانەی لەو بڕیارە سوودمەند دەبن، دەتوانن فۆڕمەکە پڕبکەنەوە.