سەرۆک بارزانی لەگەڵ باڵیۆزی تورکیا لە بەغدا کۆدەبێتەوە

ئاڤا نیوز


سەرۆک بارزانی بە سەردانێکی فەرمی لە بەغدایە و لەگەڵ لایەنە سیاسییەکان و باڵیۆزی وڵاتان کۆ دەبێتەوە. بڕیارە سبەی پێنجشەممە لە بەغدا چاوی بە باڵیۆزی تورکیا بکەوێت.

 

وێنە گەورەکە: بە گوێرەی کارنامەی سەردانەکەی، سەرۆک بارزانی لەگەڵ ئانل بۆڕا ئینان، باڵیۆزی نوێی تورکیا لە بەغدا کۆ دەبێتەوە و پرسی پەیوەندییەکانی نێوان هەرێمی کوردستان و تورکیا تاوتوێ دەکەن.

ئەوەی پێویستە بیزانیت: تورکیا و هەرێمی کوردستان پەیوەندییەکی ئابووری و بازرگانی و سیاسیی پتەویان هەیە، بەردەوامیش هەردوولا جەخت لە برەودان بە پەیوەندییەکانی نێوانیان دەکەنەوە.

باکگراوند: لە 10-06-2024 سەرۆک بارزانی پێشوازی لە ئێرمان تۆپجو، کونسوڵی گشتیی نوێی تورکیا لە هەولێر کرد و باسیان لە پرسی پەیوەندییەکانی بەغدا و هەولێر و هەناردەی نەوتی هەرێمی کوردستان کرد.