کونسوڵخانەی ئەمریکا بۆ ئاڤا: هانی هەولێر و بەغدا دەدەین کێشەکانیان چارەسەر بکەن

ئاڤا نیوز

 

کونسوڵخانەی ئەمریکا لە وەڵامی پرسیارێکی ئاڤا نیوز لەبارەی سەردانەکەی سەرۆک بارزانی بۆ بەغدا ڕایگەیاند، ئێمە هانی هەردوو حکومەتی هەرێمی کوردستان و عێراق دەدەین گفتوگۆ بۆ چارەسەرکردنی پرسە هەڵپەسێردراوەکانیان بکەن.

 

وێنە گەورەکە: دوای شەش ساڵ، ئەمڕۆ چوارشەممە 3-7-2024 سەرۆک بارزانی سەردانی بەغدای کرد و بڕیارە زنجیرەیەک کۆبوونەوەی لەگەڵ سەرکردە سیاسییەکان و بەرپرسانی باڵای عێراق هەبێت.

 

لێدوانی فەرمی: كونسوڵخانەی ئەمریكا لە هەرێمی كوردستان بۆ ئاڤا نیوز: ئێمە هانی هەردوو حکومەتی هەرێمی کوردستان و عێراق دەدەین بۆ گفتوگۆکردن لەبارەی چارەسەرکردنی پرسە هەڵپەسێردراوەکانی نێوانیان.

 

ئەوەی پێویستە بیزانیت: لە سەردانەكەیدا بۆ بەغدا، سەرۆك بارزانی لەگەڵ باڵیۆزی ئەمریكا لە عێراق کۆدەبێتەوە و بڕیارە لەگەڵ باڵیۆزی چین، فەڕەنسا، ڕووسیا، بەریتانیا و توركیا كۆببێتەوە و باسی دۆخی ناوچەکە بکەن.