فراکسیۆنی پارتی لە ئەنجوومەنی پارێزگای نەینەوا: لە بایکۆ بەردەوام دەبین

ئاڤا نیوز

 

فراکسیۆنی پارتی لە ئەنجوومەنی پارێزگای نەینەوا ڕایگەیاند، ئەوان لە بایکۆتکردنی کۆبوونەوەکانی ئەنجوومەنەکە بەرەدەوام دەبن، تاوەکو داواکاریان جێبەجێ دەکرێت.

 

وێنە گەورەکە: لە کۆبوونەوەی دوێنێی ئەنجوومەنی پارێزگای نەینەوا، یەکێتی و حەشدی شەعبی و لایەنەکانی نزیکیان بە زۆرینە پۆستی یەکە ئیدارییەکانی سنووری نەینەوایان لەنێوان خۆیان دابەش کرد، ئەمەش ناڕەزایەتیی پارتی و نەینەوا لیئەهلیهای بەدوای خۆیدا هێنا.

 

لێدوانی فەرمی: ئەحمەد کیکی، سەرۆکی فراکسیۆنی پارتی لە ئەنجوومەنی پارێزگای نەینەوا بە ئاڤا نیوزی گوت: بەهۆی ئەو کارانەی دوێنێ لە ئەنجوومەنی پارێزگای نەینەوا ڕوویدا، ئەوان بایکۆتی دانیشتنەکانیان کردووە و بەردەوام دەبن.

 

کاریگەری و لێکەوتەکان: ئەو سەرۆک فراکسیۆنە ئەوەشی گوت، ئێمە جگە لە داواکاری هەڵوەشاندنەوەی بڕیاری دابەشکاری پۆستە ئیدارییەکان، داوای لابردنی سەرۆکی ئەنجوومەنی پارێزگا و جێگرەکەشی دەکەین، چونکە بە پێچەوانەی یاسا کارەکان بەڕێوەدەبەن.

 

لەلایەکی دیکەوە: ئەمڕۆ ئه‌نجوومه‌نی وه‌زیرانی عێراق بڕیاره‌كانی ئه‌نجوومه‌نی پارێزگای نه‌ینه‌وای سه‌باره‌ت به‌ گۆڕانکاریی لە یه‌كه‌ ئیدارییه‌كانی پارێزگاکه‌ ڕاگرت.