ڕەوتی حیکمە: هەنگاوەکان بە ئاراستەی سفرکردنەوەی قەیرانەکانن لەگەڵ هەرێمی کوردستان

ئاڤا نیوز

 

ئەندامێکی ڕەوتی حیکمەی نیشتمانی، سەردانەکەی سەرۆک بارزانی بۆ بەغدا بە ئاماژەیەکی باش بۆ هەبوونی پەیوەندییەکی پتەو لە نێوان هەولێر و بەغدا دەزانێت و پێیوایە، هەنگاوەکانی ئێستا بە ئاراستەی سفرکردنەوەی قەیرانەکانن لەگەڵ هەرێمی کوردستان.

 

وێنە گەورەکە: دوای شەش ساڵ، ڕۆژی چوارشەممە 3-7-2024 سەرۆک بارزانی سەردانی بەغدای کرد و بڕیارە زنجیرەیەک کۆبوونەوەی لەگەڵ سەرکردە سیاسییەکان و بەرپرسانی باڵای عێراق هەبێت.

 

لێدوانی فەرمی: سامی جیزانی، ئەندامی ڕەوتی حیکمەی نیشتمانی سەبارەت بە سەردانەکەی سەرۆک بارزانی بۆ بەغدا بە ئاڤا نیوزی ڕاگەیاند: نیازی باش لەلایەن هەردوولاوە بەدی دەکرێت، سەردانەکەش دەستپێشخەرییەکی باشە بۆ دامەزراندنی فەزایەکی نوێ لە پەیوەندییەکان.

 

زانیاریی زیاتر: لە قۆناغەکانی ڕابردوودا مامەڵەیەکی کاتی لەگەڵ قەیرانەکان دەکرا، بەڵام ئێستا پرسەکە جیاوازە و حکومەت بە ئاراستەی سفرکردنەوەی قەیرانەکان لەگەڵ هەرێمی کوردستان هەنگاو دەنێت.