کۆبوونەوەی سەرۆک بارزانی و چوارچێوەی هەماهەنگی دەستیپێکرد

ئاڤا نیوز

 

سەرۆک بارزانی لە ماڵی عەممار حەکیم، سەرۆکی ڕەوتی حیکمەی نیشتمانییە بۆ کۆبوونەوە لەگەڵ چوارچێوەی هەماهەنگی. 

 

وێنە گەورەکە: بەیانیی ئەمڕۆ سەرۆک بارزانی گەیشتە بەغدا و زنجیرەیەک کۆبوونەوەی لەگەڵ بەرپرسانی عێراق و باڵیۆزی وڵاتان ئەنجامدا، سبەیش کۆبوونەوەکانی بەردەوام دەبن.

 

‎ئەوەی ئێستا ڕوودەدات: کۆبوونەوەی چوارچێوەی هەماهەنگی لەگەڵ سەرۆک بارزانی، بە ئامادەبوونی هەریەک لە محەممەد شیاع سوودانی، سەرۆکوەزیرانی عێراق، هادی عامری، سەرۆکی هاوپەیمانیی فەتح، نووری مالیکی، سەرۆکی هاوپەیمانیی دەوڵەتی یاسا، حەیدەر عەبادی، سەرۆکی هاوپەیمانیی نەسر، عەممار حەکیم، سەرۆکی ڕەوتی حیکمە، قەیس خەزعەلی ئەمینداری گشتیی عەسائیبی ئەهلی حەق دەستیپێکرد.

 

زانیاریی زیاتر: کۆبوونەوەکە لە ماڵی عەممار حەکیم بەڕێوەدەچێت، چەندین پرسی پەیوەندیدار بە هەرێمی کوردستان و ڕێککەوتنەکانی نێوان هەردوو حکومەت تاوتوێ دەکرێن.