سەرۆک بارزانی لەگەڵ ئەسعەد عیدانی کۆبووەوە

ئاڤا نیوز

 

سەرۆک بارزانی لەگەڵ ئەسعەد عیدانی، سەرۆکی هاوپەیمانیی تەسمیم کە هاوکات پارێزگاری بەسرەیە لە بەغدا کۆبووەوە. 

 

وێنە گەورەکە: سەرۆک بارزانی دوای کۆبوونەوە لەگەڵ موحسین مەندەلاوی سەرۆکی پەرلەمانی عێراق بە وەکالەت، لە (دار زیافە)ی بەغدا لەگەڵ ئەسعەد عیدانی؛ سەرۆکی هاوپەیمانیی تەسمیم دوایین پێشهاتە نێوخۆیی و دەرەکییەکانیان تاوتوێ کرد.

 

ڕاگەیێنراوی فەرمی: بارەگای بارزانی ڕایگەیاندووە، لەو کۆبوونەوەیەدا جەخت لە هەماهەنگی و کاری هاوبەشی نێوان پارێزگاکانی هەرێمی کوردستان و پارێزگای بەسڕا و پارێزگاکانی دیکەی عێراق کرایەوە لەبواری پڕۆژە و خزمەتگوزارییە گشتییەکان کرایەوە.

 

زانیاریی بەدەستهاتوو: ڕۆکان مەحموود، نێردراوی ئاڤا میدیا بۆ بەغدا گوتی، "سەرۆک بارزانی و عیدانی دواین پێشهاتە سیاسییەکانی ناوچەکەیان تاوتوێ کردووە، پرسی هەڵبژاردن بۆ سەرۆکی ئەنجوومەنی نوێنەرانی عێراق بەشێکی گرنگی گفتوگۆیان بووە."

 

ئەوەی پێویستە بیزانیت: ئێستا سەرۆک بارزانی لە هەمان شوێن لەگەڵ باڵیۆزانی وڵاتانی کوێت، قەتەر و مسڕ لە کۆبوونەوەیە، دواتر دەچێتە ماڵی خەمیس خەنجەر سەرۆکی هاوپەیمانی سیادە، دواتر لەگەڵ سەرکردەی بەشێک لە لایەنەکانی سوننە کۆدەبێتەوە.