ژمارەیەک دووکانداری بازاڕی قەیسەری سکاڵا تۆمار دەکەن

ئاڤا نیوز

 

تاوەکو ئێستا 31 دووکانداری زیانمەندی بازاڕی قەیسەریی هەولێر، سکاڵایان دژی سێ تۆمەتبارەکەی سووتاندنی بازاڕەکە تۆمار کردووە. 

 

وێنە گەورەکە: سەرەتای ئەم مانگە، لە کۆنگرەیەکی ڕۆژنامەوانیی هاوبەشی هەردوو وەزارەتی ناوخۆی هەرێمی کوردستان و عێراق، دەستگیرکردنی سێ کەس بە تۆمەتی سووتاندنی بازاڕەکانی هەولێر، دهۆک و کەرکووک ڕاگەیێنرا.

 

کاریگەری و لێکەوتەکان: هێمن میرانی، بەڕێوەبەری دیوانی وەزارەتی ناوخۆی هەرێمی کوردستان داوای لە زیانمەندانی بازاڕەکان کرد، سکاڵا دژی ئەو کەسانە تۆمار بکەن.

 

زانیاریی تایبەت: بە گوێرەی ئەو زانیارییانەی لەلایەن بەڕێوەبەرایەتیی پۆلیسی هەولێر بە پەیامنێری ئاڤا نیوز دراوە: 31 دووکانداری بازاڕی قەیسەری لە بنکەی پۆلیسی خانەقا، سکاڵایان دژی ئەو سێ کەسە تۆمار کردووە.