ئەنجوومەنی وەزیران لەسەر دەرەنجامی سەردانی شاندەکەی هەرێمی کوردستان بۆ بەغدا کۆدەبێتەوە
- هەواڵ
- 10 کانوونی دووەم
کۆبوونەوەی ئەنجوومەنی وەزیران
ئاڤا میدیا
ئەنجوومەنی وەزیران لە بارەی دەرەنجامی سەردانی شاندەکەی هەرێمی کوردستان بۆ بەغدا، پرسی هەموارکردنەوەی بودجە و بەدواداچوونی ئەنجوومەنی وەزیران بۆ لابردنی زێدەڕۆیی لەسەر رێگە و شەقام و شوێنە گشتییەكان تاوتوێ دەکات.
رۆژی چوارشەممە 10-01-2024، ئەنجوومەنی وەزیرانی هەرێمی کوردستان بە سەرپەرشتی سەرۆکوەزیران بارزانی و ئامادەبوونی قوباد تاڵەبانی، جێگری سەرۆکوەزیران کۆدەبێتەوە.
تەوەری یەکەم: بڕیارە لە تەوەری یەکەمی کۆبوونەوەی ئەنجوومەنی وەزیراندا گفتوگۆ لەبارەی دەرەنجامی سەردانی شاندەکەی هەرێمی کوردستان بۆ بەغدا بکرێت، تایبەت بە گفتوگۆکردن لەسەر مووچەی فەرمانبەرانی هەرێمی کوردستان و هەمواری یاسای گشتیی بودجەی فیدراڵی و دەستپێکردنەوەی هەناردەکردنی نەوتی هەرێمی کوردستان و تێچووی بەرهەمهێنان و گواستنەوەی نەوت و خستنەڕووی پرۆژە و پێشنیازەكانی حکومەتی هەرێمی کوردستان كە لەسەر ئەم پرسانە پێشکەشی حكومەتی فیدڕالی کردووە.
تەوەری دووەم: بریتییە لە بەدواداچوونی ئەنجوومەنی وەزیران سەبارەت بە رێكاری وەزارەتە پەیوەندیدارەكان تایبەت بە جێبەجێكردنی بڕیاری پێشووی ئەنجوومەنی وەزیران ژمارە (222) لە 7-6-2023 تایبەت بە دەستنیشانكردنی قەدەغەكراویی رێگە گشتییەكان، بۆ لابردنی زیادەڕۆیی لەسەر رێگە و شەقام و شوێنە گشتییەكان.
زیاتر بزانە: رۆژی یەکشەممە 07-01-2024، شاندێکی هەرێمی کوردستان لەسەر کۆمەڵێک پرسی پەیوەست بە داهات و هەناردەی نەوتی هەرێمی کوردستان کرێی کۆمپانیاکانی دەرهێنانی نەوت، ناردنی بڕی 700 ملیار دیناری دیکە بۆ مووچەی مووچەخۆرانی هەرێمی کوردستان، هەموارکردنەوەی هەمواری یاسای بودجە، بەمەبەستی چارەسەری کۆتایی سەردانی بەغدایان کرد و لەگەڵ شاندێکی حکومەتی عێراق کۆبوونەوە.

سەفین تەها
Output Manager
دوایین هەواڵەکان
- جیهان
- 16 خولەک لەمەوپێش
ترەمپ دووبارە گاڵتە بە بایدن دەکات
- کولتوور
- 9 کاتژمێر لەمەوپێش
سێیەمین فێستیڤاڵی "شەل و شەپک" لە زاخۆ دەستی پێکرد
هەڵبژاردەکان بۆ تۆ
ئۆتۆمبێلێک خۆی دەکات بە نێو قوتابخانەیەکدا و چەند کەسێک دەکوژێت
15 کاتژمێر لەمەوپێش
نوێنەری قەتەر فاوندەیشن چۆن وەسفی گەنجانی کورد دەکات؟
16 کاتژمێر لەمەوپێش
بۆ یەکەمجار پاڵەوانێتییەک لە عێراق و کوردستان بۆ نابینایان ڕێکخرا
19 کاتژمێر لەمەوپێش
قاقێ لە هەولێر دەستگیر کرا؛ کێ بوو و چی کردووە؟
28 نیسان
یەکێتیی زانایان داوا دەکات کارئاسانی لە پرۆسەی هاوسەرگیری و مارەیی بکرێت
27 نیسان