لیژنەیەک بۆ لێكۆڵینەوە لە هاوردەكردنی بەرهەمی پەتاتە پێكهێنرا

ئاڤا نیوز

بەمەبەستی پارێزگاریکردن لە بەرهەمی نێوخۆیی، لیژنەیەک بۆ لێکۆلینەوە لە هاوردەکردنی بەرهەمی پەتاتە پێکهێنرا.

چیرۆکی سەرەکی: ڕۆژی 11-06-2024، سەرۆکوەزیران بارزانی بەر لە دانانی بەردی بناغەی پڕۆژەی عەلوەی ئاکرێ، سەردانی کێڵگەی چاندنی  پەتاتە دەکات، چاوی بە چەند جووتیارێک دەکەوێت و داوای لێدەکەن ڕێگری لە هاوردەکردنی پەتاتە لە دەروازە سنوورییەکانەوە بکات.

لێدوانی فەرمی: هیوا عەلی، گوتەبێژی وەزارەتی کشتوکاڵی حکومەتی هەرێمی کوردستان بە ئاڤا نیوزی ڕاگەیاند: لێژنەیەک پێکهێنراوە بۆ لێکۆلینەوە لە هاوردەکردنی بەرهەمی پەتاتە، وەک وەزارەتی کشتوکاڵ نوێنەری خۆمان دەبێت، ئامادەین بەدواداچوون بۆ ئەم بابەتە بکەین و ئەوەی پێویست بێت ئەنجامی دەدەین". 

 

ئەوەی پێویستە بیزانیت: چەند ساڵێکە بەرهەمی پەتاتە دەنێردرێتە دەرەوە و دەچێته بواری دروستکردنی چپس و فینگەر، لە هەمانکاتدا لە ناوخۆی عێراق و هەرێمی کوردستان ساغکردنەوەی بەرهەمی پەتاتەی جووتیاران بەردەوامە.

بۆچی گرنگە: لێکۆڵینەوەکە بۆ پارێزگاری کردنە لە بەرهەمە ناوخۆییەکان و ساغکردنەوەیانە لە بازاڕەکاندا.