لە هەرێمی كوردستان 18 بەنداو و 118 پۆند دروستكراون

ئاڤا دیجیتاڵ

‎لە هەرێمی كوردستان 18 بەنداو و 118 پۆند هەیە كە ساڵانە هەزاران مەتر سێجا ئاو گلدەدەنەوە، بەڕێوەبەری گشتی سەرچاوەکانی ئاوی هەرێمی کوردستان دەڵێت "ئەو بەنداوانەی كە لە هەرێمی كوردستاندان ڕاستەوخۆ سوود بە هەرێمی كوردستان دەگەیێنێت.

‎بۆچی گرنگە: بەنداوەكان گرنگییەكی گەورەیان لە گلدانەوەی ئاو  و كەمبوونەوەی ڕێژەی كەم ئاوی و زیادبوونی سامانی ماسی و كارەباو كشتوكاڵ.

‎لێدوانی فەرمی: د. کاروان سەباح، بەڕێوەبەری گشتی سەرچاوەکانی ئاوی هەرێمی کوردستان بە ئاڤا میدیای ڕاگەیاند "ئەو بەنداوانەی كە لە هەرێمی كوردستاندان ڕاستەوخۆ سوود بە هەرێمی كوردستان دەگەیێنن، كاریگەری و گرنگی تەواوەتییان هەیە بۆ سەر ئابووریی كشتوكاڵ لە هەرێمی كوردستاندا و توانای گلدانەوەی 10 ملیار ‏مەتر سێجا ئاویان هەیە".

ئەوەی پێویستە بیزانیت: له‌ هه‌ر سێ پارێزگای هه‌ولێر، سلێمانی، دهۆك و ئیداره‌ی سه‌ربه‌خۆی گه‌رمیان 18 به‌نداو ته‌واو كراون،‌ كه‌ توانای گلدانه‌وه‌ی 80 هەزار و 756 ملیۆن مه‌تر سێجا ئاویان له‌خۆ گرتووه‌، له‌و 18 به‌نداوەی‌ له‌لایه‌ن حكومه‌تی هه‌رێمی كوردستان جێبه‌جێ كراون.

 

‎لەو 18 بەنداوەی حكومەتی هەرێمی كوردستان تەواوی كردوون، چوار بەنداویان لە كابینەی نۆیەم بوون، ئەوانیش بەنداوی چەمرگە لە هەولێر، دێوانە لە سلێمانی، خەنەس لە دهۆك و توورەجار لە سنووری گەرمیان بووە، كە گوژمەكەیان 45 ملیار و 55 ملیۆن و 779 هەزار و 650 دینار بووە و توانای گلدانەوەی 29.1 ملیۆن مەتر سێجا ئاویان هەیە.

‎ باكگراوند: لە كابینه‌ی نۆیه‌می حكومەتی هەرێمی كوردستاندا، بڕی 21 ملیار و 743 ملیۆن و 669 هەزار و 96 دیناری بۆ دیزاین و نه‌خشه‌سازیی 41 به‌نداو و 645 هەزار و 139 دۆلاریشی بۆ دیزاینی شەش بەنداو خه‌رج كردووه.