قایمقامی دەستلەكاركێشاوەی پێنجوێن ناوی بەربژێرە نوێیەكە بۆ ئاڤا ئاشكرادەكات

ئاڤا نیوز

زانا ڕەحمان هەواڵی دەستلەكاركێشانەوەی لە پۆستی قایمقامی پێنجوێن بۆ ئاڤا پشتڕاست دەكاتەوە، ناوی قایمقامە نوێیەكەش ئاشكرا دەكات.

وێنە گەورەكە: پۆستی قایمقامی پێنجوێن لە پشكی بزووتنەوەی گۆڕانە و ئەو بزووتنەوەیەش شوێنگرەوەكەی دیاری دەكات.

لێدوانی فەرمی: زانا ڕەحمان، قایمقامی دەستلەكاركێشاوەی پێنجوێن، بە ئاڤا نیوزی گوت: 10 ساڵە لەوێم و دەمەوێت لەو پۆستە نەمێنم، فشار هەیە بۆ بەردەوامبوونم بەڵام من نامەوێت بەردەوام بم و دەمەوێت یەكێكی دیكە خزمەت بكات.

زانیاریی زیاتر: دەستلەكاركێشانەوەكەم لەلایەن بزووتنەوەی گۆڕان و پارێزگاری سلێمانییەوە پەسەند كراوە، تەنیا وەزیری ناوخۆی هەرێمی كوردستان ماوە پەسەندی بكات. زانا ڕەحمان ئەوەشی گوت.

زانیاریی بەدەستهاتوو: لەلایەن بزووتنەوەی گۆڕانەوە هاوار شێخ ڕەئوف وەك بەربژێر بۆ جێگرەوەی زانا ڕەحمان دیاریكراوە.

باكگراوند: زانا ڕەحمان نزیکەی 10 ساڵه‌ قایمقامی پێنجوێنە، لە كۆتایی ساڵی ڕابردووش دەستلەكاركێشانەوەی پێشكەش كرد، بەڵام بزووتنەوەكەی پەسەندی نەكرد.