بە گوژمەی پێنج ملیار دینار دووسایدی سەنتەری ڕۆڤیا جێبەجێ دەکرێت

ئاڤا نیوز

بەڕێوەبەری ناحیەی ڕۆڤیا ڕایگەیاند، لەلایەن حکومەتی هەرێمی کوردستانەوە گوژمەی پێنج ملیار دینار تەرخانکرا بۆ دروستکردنی جاددەی دووسایدی سەنتەری ناحیەکە.

بۆچی گرنگە: بە دووسایدکردنی ڕێگەی سەنتەری ناحیەی ڕۆڤیا کۆتایی دێت بە قەرەباڵغی و دەبێتە هۆکارێکی گرنگ بۆ کەمکردنەوەی ڕووداوەکانی هاتووچۆ.

لێدوانی فەرمی: مەهنەل موافق، بەڕێوەبەری ناحیەی ڕۆڤیا لە کاتی بەشداریکردنی بەرنامەی ڕابن ژ خەوێی ئاڤا بەهدینان ڕایگەیاند: ئەوان ئێستا سەرقاڵی ئامادەکارین بۆ ئەوەی لە ماوەیەکی نزیکدا دەست بە کارەکانی پرۆژەی دووسایدکردنی ڕێگاکە بکەن، ئەمەش دوای ئەوەی ڕەزامەندی دروستکردنی وەرگیراوە.

گۆشەیەکی دیکە: جگە لە پرۆژەی دووسایدکردنی ڕێگاکە، ئێستا بە گوژمەی سێ ملیار دینار کار لەسەر پڕۆژەکانی خزمەتگوزاری بۆ ناحیەکە دەکرێت.
.