دوو پرۆژەی گرنگ لە گەڕەکی ژینی دارەتووی هەولێر دروست دەکرێن

ئاڤا نیوز 

دوو پرۆژەی گرنگ لە ژینی دارەتوو دروست دەکرێن، بەڕێوەبەری گشتیی شارەوانی دەوروبەری هەولێر ڕایگەیاند، پرۆژەکان لەسەر بودجەی پەرەپێدانە و دەرخستەکەیان ڕەوانەی پارێزگا کراوە و چاوەڕێی تەمویلن.

بۆچی گرنگە: گەڕەکی ژینی دارەتوو ساڵانێکە ئاوەدانە و کەمترین پرۆژەی خزمەتگوزاری بۆ کراوە، ئەم دوو پرۆژەیە خزمەتێکی باش بە دانیشتووانی ئەو گەڕەکە دەکات.

لێدوانی فەرمی: مەریوان هادی، بەڕێوەبەری گشتیی شارەوانی دەوروبەری هەولێر، بە ئاڤا نیوزی گوت: پرۆژەیەکی جوتسایدی 30 مەتری لە نێوان گەڕەکی ژینی دارەتوو و گەڕەکی باغەمرەی فەندی دروست دەکرێت، هاوکات پرۆژەیەکی ئاوەڕۆی سندوقی بۆ دروست دەکرێت.

زانیاریی زیاتر: "پرۆژەکان لەبەرنامەدا دانراون و دەرخستەکانیان ڕەوانەی پارێزگا کراون، چاوەڕوانی تەمویلیان بۆ دەکرێت، چونکە لە ناو بودجەی پەرەپێدان دانراون". مەریوان هادی وا دەڵێت.

ئەوەش بزانە: تێچووی پرۆژەی جووتساید و ئاوەڕۆکەی گەڕەکی ژینی دارەتوو، بڕی 422 ملیۆن دینارە.