بەهۆی گەرماوە لە پارێزگایەکی عێراق ڕۆژێک دەکرێتە پشوو

ئاڤا نیوز

پارێزگاری بەسرە لە ڕێگەی فەرمانێکی کارگێڕییەوە، بڕیاریدا ڕۆژی پێنجشەممە بکرێتە پشووی فەرمی بەهۆی بەرزبوونەوەی پلەکانی گەرما بۆ سەروو 50 پلەی سیلیزی.

وێنە گەورەکە: بەپێی پێشبینییەکانی دەستەی کەشناسیی عێراق بۆ ئەم هەفتەیە پلەکانی گەرما لە پارێزگاکانی باشووری عێراق بە دیاریکراویش لە پارێزگاکانی بەسرەو میسان دەگاتە 50 پلەی سیلیزی و لە ڕۆژی پێنجشەممەوە پلەکانی گەرما بەرزتریش دەبنەوە.

نووسراوی فەرمی: لەبەر بەژەوەندیی گشتی و بەپێی ئەو دەسەڵاتەی پێمان دراوە، بڕیارماندا ڕۆژی پێنجشەممە 11-7-2024 لە پارێزگای بەسرە دەبێتە پشووی فەرمی بەهۆی بەرزبوونەوەی پلەکانی گەرمان بۆ سەروو 50 پلەی سیلیزی.

ئەوەی پێویستە بیزانیت: ناوەندی کەشناسی عەرەبی هۆشداری داوە لە هاتنی شەپۆلێکی گەرمای پڕوكێنەر کە لە ڕۆژی چوار شەممەوە دەست پێدەکات و پلەکانی گەرما لە ژمارەیەک وڵاتی عەرەبی لەنێویاندا عێراق بۆ 50 پلەی سەدی بەرزدەبنەوە.