له‌ دوو پارێزگای عێراق پلەی گەرما دەگاتە نیوه‌ی پله‌ی كوڵان

ئاڤا نیوز

 

ئه‌م هه‌فته‌یه‌ پله‌كانی گه‌رما له‌ زۆرینه‌ی ناوچه‌كانی عێراق چه‌ند پله‌یه‌ك به‌رز ده‌بنه‌وه‌ و ده‌گه‌نه‌ نیوه‌ی پله‌ی كوڵان و تاوەکو كۆتایی ئه‌م هه‌فته‌یه‌ش بەردەوام دەبێت.

 

وێنه‌ گه‌وره‌كه‌: كه‌شناسێكی عێراقی ڕایگەیاند،  پله‌كانی گه‌رما عێراق گه‌یشتوونه‌ته‌ نیوه‌ی پله‌ی كوڵان و له‌ دوو پارێزگاش ده‌گاته‌ سه‌رووی 50 پله‌ی سیلیزییه‌وه.

 

لێدوانی فه‌رمی: ڕاسد زیادی، شارەزای كه‌شناسی ڕایگه‌یاند: سبه‌ی سێشه‌ممه‌ پله‌كانی گه‌رما له‌ عێراق زیاتر به‌رزده‌بنه‌وه‌ و به‌راورد به‌ ئه‌مڕۆ له‌ چه‌ند شوێنێك 3 پله‌ به‌رز ده‌بنه‌وه‌، به‌ هه‌مان شێوه‌ش دووسبه‌ی چوارشه‌ممه‌ پله‌كانی گه‌رما له‌ زۆرینه‌ی پارێزگاكانی عێراق 50 پله‌ی سیلیزی ده‌بن.

 

زانیاریی زیاتر: ئه‌و كه‌شناسه‌ عێراقییه‌ ئاماژه‌ی به‌ ئه‌وه‌شدا كه‌ پێشبینی ده‌كرێت سبه‌ی پله‌كانی گه‌رما له‌ هه‌ردوو پارێزگای به‌سڕه‌ و میسان بگه‌نه‌ 52 پله‌ی سیلیزی، ئاماژه‌ی به‌ ئه‌وه‌ش داوه‌ كه‌ تاوەکو كۆتایی ئه‌م هه‌فته‌یه‌ پله‌كانی گه‌رما به‌ به‌رزی ده‌مێننه‌وه‌ و له‌ ڕۆژی شه‌ممه‌ی داهاتووه‌وه‌ جارێكی دیكه‌ پله‌كانی گه‌رما چه‌ند پله‌یه‌ك داده‌به‌زن.

 

ئه‌وه‌ی پێویسته‌ بیزانیت: به‌هۆی به‌رزبوونه‌وه‌ی پله‌كانی گه‌رماوه‌، پارێزگای به‌سڕه‌ بڕیاری دا ڕۆژی پێنجشەممە 11-7-2024 لە پارێزگاكه‌ ببێته‌ پشووی فەرمی.