ئەنجوومەنی وەزیران داوای خەرجکردنی دوو مووچەی هێزە ئەمنییەکان لە بەغدا دەکات
- بزنس
- 2024-07-10

دیمەنێک لە کۆبوونەوەی ئەنجوومەنی وەزیرانی هەرێمی کوردستان بەسەرپەرشتیی سەرۆکوەزیران بارزانی، وێنە: KRG
ئاڤا نیوز
ئەنجوومەنی وەزیران جەخت دەکاتەوە دامەزراوەکانی هەرێمی کوردستان پابەندییەکانی خۆیان لەبارەی مووچە بەجێگەیاندووە، بۆیە داوای خەرجکردنی مووچەی مانگەکانی پێنج و شەشی پێشمەرگە و هێزە ئەمنییەکان لە بەغدا دەکات.
چیرۆکی سەرەکی: بەسەرپەرشتی سەرۆکوەزیران مەسرور بارزانی، ئەنجوومەنی وەزیرانی هەرێمی کوردستان لە کۆبوونەوەی هەفتانەیدا پرسی مووچە و یەکخستنی دەروازە سنوورییەکان لەگەڵ عێراق و چەند بابەتێکی دیکەی تاوتوێ کرد.
ڕاگەیێنراوی فەرمی: لەبارەی مووچە ئەنجوومەنی وەزیران وێڕای جەختکردنەوە لە هەڵوێستی حکومەتی هەرێمی کوردستان کە خوازیاری چارەسەری ڕاستەقینەی سەرجەم بابەتە هەڵپەسێردراوەکانە، باسی لەوەی کردووە ئەرکی حکومەتی فیدڕاڵە شایستەکانی هەرێمی کوردستان خەرج بکات هاوتای ناوچەکانی دیکەی عێراق و چیتر خەرجکردنی مووچە دوانەکەوێت.
زانیاریی زیاتر: ئەنجوومەنی وەزیران داوا لە حکومەتی فیدڕاڵ دەکات هەرچی زووە مووچەی پێشمەرگە و هێزە ئەمنییەکانی بۆ هەردوو مانگی 5 و 6 خەرج بکات. داواش دەکات شایستەکانی دیکەی هەرێم لە تەرخانکراوەکانی تەشغیلی و پڕۆژەکانی ئاوەدانکردنەوە و وەبەرهێنان خەرج بکات.
لەلایەکی دیکەوە: لە کۆبوونەوەکەدا دەرئەنجامی کۆبوونەوەی هاوبەشی هەردوو حکومەتی فیدراڵ و هەرێم سەبارەت بە دەروازە سنوورییەکان خراوەتەڕوو، ئەنجوومەنی وەزیران لیژنەی دانوستانکاری ڕاسپاردووە لە چوارچێوەی دەستوور و یاسا بەرکارەکان درێژە بە گفتوگۆ بدەن.
چارەسەر: لیژنەیەکی یاسایی پسپۆڕ ڕاسپێردراوە بۆ ڕێککەوتن لەبارەی داڕشتنی میکانیزمی هەماهەنگی لەگەڵ دامەزراوە فیدراڵییەکانی عێراق بۆ هەموارکردنەوەی یاسای تایبەت بە دەستەی دەروازە سنوورییەکان.
زیاتر لەسەر ئەم بابەتانە بکۆڵەرەوە
دوایین هەواڵەکان
- هەواڵ
- 17 خولەک لەمەوپێش
پڕۆژەی فریاگوزاریی خێرای ئاوی هەولێر نرخی خانووبەرە بەرزدەکاتەوە
- کوردستان
- 27 خولەک لەمەوپێش
گەڕێکی دیکەی سەردانەکانی شاندی دەم پارتی دەستپێدەکەنەوە
- هەواڵ
- 47 خولەک لەمەوپێش
ترەمپ مووشەکی پاتریۆت بۆ ئۆکرانیا دابین دەکات
- هەواڵ
- 56 خولەک لەمەوپێش
بوومەلەرزەیەک ئێندەنوزیای هەژاند
هەڵبژاردەکان بۆ تۆ
سەرۆکوەزیران مەسرور بارزانی: بەهرەی گەنجەکانمان شانازییەکی گەورەیە
13 تەممووز
بەهۆی شەڕی پەکەکەو تورکیاوە سەدان گوندی هەرێمی کوردستان چۆڵکراون
12 تەممووز
چارەسەرێکی ئازاری درێژخایەن ئەگەری تووشبوون بە نەخۆشیی بیرچوونەوە زیاد دەکات
12 تەممووز
هونەرمەندێکی کورد دەوێت لە چەکە سووتاوەکانی پەکەکە بەرهەمێکی هونەری دروست بکات
12 تەممووز
قسەی دڵی خەڵک لەبارەی مووچە؛ کاتی هەڵوێست و بڕیارە بەرامبەر بەغدا
10 تەممووز
- عێراق
- 15 کاتژمێر لەمەوپێش
مەترسیی سزای ئەمریکی لەسەر نەوتی عێراق؛ پەرلەمان وەزیری نەوت بانگهێشت دەکات
- بزنس
- 17 کاتژمێر لەمەوپێش
ئاڤا بەڵێنی بەغدا بۆ ناردنی مووچە لەم هەفتەیە و وەڵامی کوردستان ئاشکرا دەکات
- هەواڵ
- 18 کاتژمێر لەمەوپێش
لیژنەی دارایی پەرلەمان هۆشداری لە کورتهێنانی بودجە دەدات
- بزنس
- 21 کاتژمێر لەمەوپێش
یەکێتی لەبارەی مووچە و پێکهێنانی حکومەت و گفتوگۆ لەگەڵ پارتی لە کۆبوونەوەدایە
- بزنس
- 21 کاتژمێر لەمەوپێش
هەرێمی کوردستان و بەغدا یەکخستنی سیاسەت و ڕێکارە گومرگییەکان تاوتوێ دەکەن