پارێزگای بەسرە ڕۆژی یەکشەممەشی کردە پشوو

ئاڤا نیوز

 

ئەنجوومەنی پارێزگای بەسرە ڕۆژی یەکشەممەی هەفتەی داهاتووی بەبۆنەی ساڵیادی "شەهیدکردنی ئیمام عەباس" کردە پشووی فەرمی.

 

وێنە گەورەکە: ساڵانە لە ساڵیادی "شەهیدبوونی ئیمام عەباسی كوڕی ئیمامی عەلی" لە ژمارەیەک لە پارێزگاکانی عێراق دەکرێتە پشووی فەرمی بۆ ئەوەی فەرمانبەران بتوانن بەشداری لە ڕێوەڕسمە ئایینییەکان بكەن.

 

ڕاگەیێنراوی فەرمی:  ئەمڕۆ چوارشەممە، ئەنجوومەنی پارێزگای بەسرە ڕایگەیاند: ڕۆژی 14ـی تەممووز بەبۆنەی "شەهیدکردنی ئیمام عەباس، سەلامی خودای لەسەر بێت" دەبێتە پشووی فەرمی.

 

لەلایەکی دیکەوە: هەریەک لە ئەنجوومەنی پارێزگاکانی بابل، واست، زیقار، میسان، دیوانییە، موسەننا و نەینەوا بەهۆی بەرزبوونەوەی پلەکانی گەرما بۆ سەروو 50ـی سیلیزی، بڕیاریان دا ڕۆژی پێنجشەممە 11-7-2024 بکرێتە پشووی فەرمی.